പി.ഡി.പി.ക്കു നിലപാടില്ലെന്നതു ശത്രുക്കളുടെ കുപ്രചാരണം : വര്‍ക്കിംഗ് ചെയര്‍മാന്‍
കൊച്ചി : നിയമസഭാ തിരഞ്ഞെടുപ്പില്‍ പി.ഡി.പി.ക്കു നിലപാടില്ലെന്നും നിലപാട് സ്വീകരിക്കാന്‍ പി.ഡി.പി. അശക്തമാണെന്നുമുള്ള പ്രചാരണം പാര്‍ട്ടി ശത്രുക്കളുടെ കുപ്രചാരണം മാത്രമാണെന്ന് പി.ഡി.പി. വര്‍ക്കിംഗ് ചെയര്‍മാന്‍ അഡ്വ. അക്ബര്‍ അലി പ്രസ്താവിച്ചു. പാര്‍ട്ടി രൂപീകരണത്തിനു ശേഷം സംസ്ഥാനത്തു നടന്ന മുഴുവന്‍ തിരഞ്ഞെടുപ്പുകളിലും ശക്തമായ സാന്നിദ്ദ്യം അറിയിക്കുകയും നിലപാട് സ്വീകരിക്കുകയും ചെയ്ത പ്രസ്ഥാനമാണ്‍ പി.ഡി.പി. പാര്‍ട്ടി മത്സരിക്കാത്ത സ്ഥലങ്ങളില്‍ സ്വീകരിക്കേണ്ട നിലപാട് ഉചിതമായ സമയത്ത് പ്രഖ്യാപിക്കും. ഇല്ലാക്കത്ഥകളും കുപ്രചാരണങ്ങളും നടത്തി പാര്‍ട്ടിയെ താറടിച്ചു കാണിക്കാനുള്ള ചിലരുടെ വ്യാമോഹം നടക്കാത്തതിലുള്ള വിഷമമാണ്‍ ഇത്തരം വാര്‍ത്തകള്‍ പ്രചരിപ്പിക്കുന്നതിനു പിന്നിലെന്നും അക്ബര്‍ അലി പറഞ്ഞു.
നിയമസഭാ തിരഞ്ഞെടുപ്പില്‍ പാര്‍ട്ടി സ്ഥാനാര്‍ത്ഥികള്‍ മത്സരിക്കുന്ന സ്ഥലങ്ങളില്‍ പ്രവര്‍ത്തനങ്ങള്‍ ഊര്‍ജ്ജിത്തപ്പെടുത്താന്‍ പി.ഡി.പി. സംസ്ഥാന നേത്രു യോഗം തീരുമാനിച്ചു. നിയമസഭാ തിരഞ്ഞെടുപ്പില്‍ പാര്‍ട്ടി സ്ഥാനാര്‍ത്ഥികള്‍ മത്സരിക്കുന്ന സ്ഥലങ്ങളില്‍ പ്രവര്‍ത്തനങ്ങള്‍ ഊര്‍ജ്ജിത്തപ്പെടുത്താന്‍ പി.ഡി.പി. സംസ്ഥാന നേത്രു യോഗം തീരുമാനിച്ചു.പ്രചാരണ പ്രവര്‍ത്തനങ്ങള്‍ ഏകോപിപ്പിക്കാന്‍ താഴെ പറയുന്നവരെ സി.എ.സി.ചുമതലപ്പെടുത്തി.
തിരുവനന്തപുരം : സാബു കൊട്ടാരക്കര, ആഡ്വ.കാഞ്ഞിരമറ്റം സിറാജ്
കൊല്ലം : യു.കെ.അബ്ദുല്‍ റഷീദ് മൌലവി, സാബു കൊട്ടാരക്കര
ഏറണാകുളം : സുബൈര്‍ സബാഹി, കെ.കെ.വീരാന്‍ കുട്ടി
തൃശ്ശൂര്‍ : മുഹമ്മദ് റജീബ്
പാലക്കാട് : തോമസ് മാഞ്ഞൂരാന്‍
മലപ്പുറം: ആഡ്വ.അക്ബര്‍ അലി, വര്‍ക്കല രാജ്, മാഹിന്‍ ബാദുഷ മൌലവി
കോഴിക്കോട് : ആഡ്വ.അക്ബര്‍ അലി, വര്‍ക്കല രാജ്
കാസര്‍ഗോഡ്: അജിത്കുമാര്‍ ആസാദ്, നിസാര്‍ മേത്തര്‍, സക്കീര്‍ ഹുസൈന്‍
അബ്ദുല്‍ നാസ്സര്‍ മഅദനിയുടെ കാരാഗ്രഹ വാസവും മനുഷ്യാവകാശ ലംഘനങ്ങളും ഈ തിരഞ്ഞെടുപ്പില്‍ പി.ഡി.പി.പൊതു സമൂഹത്തിനു മുമ്പില്‍ ശക്തമായി അവതരിപ്പിക്കും. മഅദനിക്കെതിരെ നടക്കുന്ന മനുഷ്യാവകാശ ലംഘനങ്ങള്‍ക്കെതിരെയും അന്യായമായ തടവിനെതിരെയും ശബ്ദമുയര്‍ത്താതെ ഇരുമുന്നണികളും കുറ്റകരമായ മൌനമാണ് തുടരുന്നതെന്നും അക്ബര്‍ അലി കുറ്റപ്പെടുത്തി.
No comments:
Post a Comment